Dünýä futbolynyň ähli döwürleriniň iň super ýyldyzlarynyň biri hasaplanýan Lionel Messiniň geljek möwsümde çykyş etjek kluby belli boldy. Bu barada AFP habarlar gullugy habar berýär. Argentinaly super ýyldyz geljek möwsüm Saud Arabystanynyň “Al-Hilal” toparynyň düzümine goşular. Taraplaryň ylalaşyk gazanandygy habarda bellenilýär. Messi täze klubundan ýyllyk 400 million ýewro hak alar.
Fransiýanyň çempionaty “Ligue 1”-de PSŽ-niň “Loriýandan” utulmagyndan soň klubdan birugsat Saud Arabystanyna gaýdan Lionel Messi topary 2 hepdelik jerime beripdi.
Messiniň ady geljek möwsüm üçin “Barselona” bilenem agzalýardy. Ýyldyz oýunçy PSŽ-de 2 möwsüm çykyş edip, ol ýene bir möwsüm islän ýagdaýynda şertnamasynyň möhletini uzaldyp bilýärdi. Ýöne Lionel Messiniň esasy bäsdeşi Kristiano Ronaldo ýaly Saud Arabystany saýlandygy bellenilýär.
Şeýle-de, “Al-Hilal” topary Messiden başga-da, häzirki wagtda Barselonada oýnaýan Serhio Buskets bilen Žordi Albany hem transfer etmek isleýär.
