Parižde geçirilen iki günlik sammitde Halkara sergi guramasyna agza 179 ýurduň wekilleri EXPO-2030 sergisini guramak maksady bilen üç ýurda Saud Arabystany, Günorta Koreýa we Italiýa ses berdiler. Üç ýurt geljekki Bütindünýä sergisiniň öz ýurtlarynda guralmagyny maksat ediýärler.
Ses berişlikden soň Saud Arabystanynyň daşary işler ministri şazada Faýsal ben Farhan Al-Saud sergini paýtagt Er-Riýadda guramagyň taslamasyny hödürledi.
Günorta Koreýanyň Prezidenti Ýun Sok-Ýol bu giň gerimli çäräni öz ýurdunyň ikinji uly şäheri Pusanda geçirmegi teklip etdi.
Italiýanyň Premýer-ministri Jorja Meloni bolsa, serginiň öz ýurdunyň paýtagty Rimde guramagyň maksada laýyk boljakdygyny aýtdy.
Halkara sergi býurosyna agza ýurtlar noýabr aýynda geçiriljek indiki maslahatda EXPO-2030 sergisiniň nirede geçiriljekdigini kesgitlärler.
