Italiýanyň “Inter” toparynyň horwatiýaly ýarymgoragçysy Marselo Brozowiç karýerasyny Saud Arabystanyndan dowam etdirer. 30 ýaşyndaky oýunçy super ýyldyz Kristiano Ronaldonyň çykyş edýän kluby “Al-Nassr” toparyna transfer boldy. “Al-Nassr” kluby Brozowiçiň transferi üçin “Inter” toparyna 18 million ýewro berer. 2015-nji ýyldan bäri “Interiň” köýnekçesini geýip gelýän Brozowiç italýan toparynda 8,5 möwsümde 330 oýunda 31 gol geçirdi.
