Täze Zelandiýa dünýäde ilkinji bolup, supermarketlerde plastik torbalary ulanmaga gadaganlyk girizdi. Bu karar hökümetiň plastika garşy kampaniýasynyň bir bölegi bolup, 1-nji iýulda güýje girdi.
Bu gadaganlyk bir gezek ulanylýan torbalara we gap-gaçlara degişlidir. Bu ýerde gürrüň ilkinji nobatda has köp ulanylýan plastik görnüşlerine garşy göreş barada barýar. Täze Zelandiýanyň paýtagty Wellingtonda ýene-de iki ýyldan ähli polistirol iýmit gaplamalary gadagan ediler diýlip garaşylýar.
Täze Zelandiýanyň daşky gurşaw ministrliginiň habaryna görä, her ýyl ýurduň ýaşaýjysy 60 kilogram plastik galyndylary zir-zibil dökülýän ýerlere zyňýar, şunuň bilen bir wagtda onuň diňe 5%-i ýurtda gaýtadan işlenilýär. “Täze çäklendirmeler ýylda 150 million plastik torbalardan dynmaga mümkinçilik berer” diýip, “NZ Herald” neşiri ýazýar.
2019-njy ýylyň iýul aýynda Täze Zelandiýanyň häkimiýetleri harytlar satyn alnandan soň gaplanylýan uly torbalary ulanmagy gadagan etdiler. Daşky gurşawa zyýanly bolan plastik önümler bilen üpjün edýän kärhanalara 67 müň dollara çenli uly jerime salyndy.