UEFA Cempionlar Ligasynda täze möwsümiň 1-nji saýlama tapgyrynyň 1-nji duşuşyklary geçirildi. Tapgyryň iň uly hasaply ýeňşini Ysraýylyň “Makkabi Haýfa” topary gazanyp, olar Maltanyň “Hamrun Spartans” toparyny myhmançylykda 4-0 hasabynda ýeňdi. Kosowonyň “Ballkani” toparynyň öz meýdançasynda Bolgariýanyň çempiony “Ludogores Razgrady” 2-0 ýeňmegi tapgyryň garaşylmadyk netijesi boldy. “Astana” bilen “Dinamo Tbilisiniň” arasyndaky duşuşyk Aýmbetowyň (11) hem-de Siguanyň (57) gollary bilen 1-1 hasabynda deňlikde tamamlandy.
Albaniýanyň “Partizani” topary bilen Belarusyň “BATE Borisow” toparynyň arasyndaky duşuşyk hem 1-1 hasabynda gutardy (Kara 66 – Antilewski 58). Rumyniýanyň “Farul Konstansa” topary öz meýdançasynda Moldowanyň “Şerif” toparyndan Kikiniň 56-njy minutdaky ýeke-täk goly esasynda 1-0 hasabynda üstün çykdy. Azerbaýjanyň “Garabag” topary-da myhmançylykda Gibraltaryň “Linkoln Red Imps” toparyny Şikşa (58) hem-de Benzianyň (90+4) gollary bilen 2-1 hasabynda ýeňip, ýeňiş bilen dolandy. Şwesiýanyň “BK Haken” topary öz meýdançasynda Uelsiň “Nýu-Seýnts” toparyndan 3-1 hasabynda üstün çykyp, 2-nji saýlama tapgyryna çykmak üçin uly mümkinçilik gazandy.
Jogap duşuşyklary 18-19-njy iýulda geçiriler.
Çempionlar Ligasynyň 1-nji saýlama tapgyrynyň 1-nji oýunlarynyň netijeleri:
“BK Haken” (Şwesiýa) – “Nýu-Seýnts” (Uels): 3-1
“Ballkani” (Kosowo) – “Ludogores Razgrad” (Bolgariýa): 2-0
“Şamrok Rowers” (Irlandiýa) – “Breidablik” (Islandiýa): 0-1
“Žalgiris” (Litwa) – “Struga” (D. Makedoniýa): 0-0
“KI Klakswik” (Farer adalary) – “Ferenswaroş” (Wengriýa): 0-0
“Olimpiýa Lýublýana” (Sloweniýa) – “Walmiera” (Latwiýa): 2-1
“HJK Helsinki” (Finlýandiýa) – “Larn” (D. Irlandiýa): 1-0
“Linkoln Red Imps” (Gibraltar) – “Garabag” (Azerbaýjan): 1-2
“Rakuw Çenstohowa” (Polşa) – “Flora” (Estoniýa): 1-0
“Slowan Bratislawa” (Slowakiýa) – “Swift Hesperanž” (Lýuksemburg): 1-1
“Farul Konstansa” (Rumyniýa) – “Şerif” (Moldowa): 1-0
“Hamrun Spartans” (Malta) – “Makkabi Haýfa” (Ysraýyl): 0-4
“Urartu” (Ermenistan) – “Zrýinski Mostar” (Bosniýa): 0-1
“Partizani” (Albaniýa) – “BATE Borisow” (Belarus): 1-1
“Astana” (Gazagystan) – “Dinamo Tbilisi” (Gruziýa): 1-1
