7-nji awgustda Kambojanyň Patyşasy Norodom Siamoni häzirki Premýer-ministr Hun Seniň işinden çekilmek baradaky meýilnamasyny mälim edenden soň Hun Maneti täze Premýer-ministr edip belledi. Hun Seniň haýyşy boýunça monarh 45 ýaşly Hun Maneti bäş ýyllyk möhlet bilen Premýer-ministr wezipesine bellemek baradaky karara gol çekdi.
Hun Manet we onuň täze Ministrler Kabinetiniň agzalary, täze Premýer-ministr bolmak üçin 22-nji awgustda meýilleşdirilýän Milli Assambleýanyň (Mejlisiň aşaky palatasyndan) ynam sesini almaly. Şol gün onuň kasam kabul etmegine garaşylýar.
Hun Manet häzirki wagtda Kamboja Halk partiýasynyň hemişelik komitetiniň agzasy we ýurduň Ýaragly Güýçleriniň Baş serkerdebaşysynyň orunbasary.
Hun Sen 26-njy iýulda 38 ýyldan gowrak wagt bäri eýeleýän Premýer-ministr wezipesinden çekiljekdigini we häkimiýeti uly ogly Hun Manete tabşyrjakdygyny mälim edipdi.
Şeýle-de bolsa, 71 ýaşly lider geljek ýyl 25-nji fewralda geçiriljek saýlawlarda Halk partiýasynyň başlygy bolup galjakdygyny we Senatyň (parlamentiň ýokarky palatasy) başlygy wezipesini eýelejekdigini aýtdy.
