Angliýanyň “Mançester Ýunaýted” topary Italiýanyň “Atalanta” toparynyň 20 ýaşyndaky daniýaly hüjümçisi Rasmus Hoýlunny 75+10 million ýewro transfer etdi. Mankunianlar Hoýlunn bilen 5+1 ýyllyk şertnama baglaşdy. Hoýlunn geçen möwsümde “Atalantada” 34 oýunda 10 gol geçirdi. Daniýanyň milli ýygyndysynda 6 oýunda 6 gol salan Hoýlunn “Kopengagen”, “Şturm Gras” klublarynyň hem köýnekçesini geýdi.
