Gras (Awstriýa), Gimaraýnş (Portugaliýa) we Wilnýus (Litwa) 2025-nji ýylda “Ýewropanyň ýaşyl paýtagty” adyna dalaşgär boldy. Ýeňiji 2023-nji ýylyň 5-nji oktýabrynda Ýewropanyň häzirki “ýaşyl” paýtagty Tallinde geçiriljek dabarada yglan ediler. Bu barada “euro-pulse.ru” habar berýär.
Gras “ýaşyl” başlangyçlary üstünlikli durmuşa geçirýär. Oba hojalygy işjeň goldanylýan bu şäheriň çäginde ýokary hilli önümleriň köp görnüşini öndürýän 350 töweregi şereket bar.
Gimaraýnş, esasan, ýerleri we suwlary durnukly ulanmakda özüniň artykmaç taraplaryny ýüze çyakrdy. Şäher taslamalarynyň biri bolan howdan ulgamy biodürlüligi goldamaga we gurakçylygyň ýetirjek täsirleriniň öňüni almaga kömek eder.
Wilnýus şäher meýilnamalaşdyrylyşynda we gurluşygynda gazanan üstünlikleri bilen tapawutlandy. Mysal üçin, şäherde ösümlikleriň topragynyň çyglylyk derejesini kesgitlejek intellektual datçikler ulgamy gurnalandyr.
“Ýewropanyň Ýaşyl paýtagty” derejesi 2010-njy ýyldan bäri Ýewropa komissiýasy tarapyndan 100 müňden gowrak ilaty bolan şäherlere berilýär. Şäherlere durnukly ösüş pudagynyň hünärmenlerinden ybarat halkara eminler topary baha berýär. 100 müňden gowrak ilaty bolan dalaşgär şäherlere howanyň we suwuň hili, biodürlüligi goldamak, “ýaşyl” şäher ulagyny ösdürmek we durnukly ösüş ýaly 12 kriteriýa esasynda baha berilýär. 2024-nji ýylda “Ýewropanyň Ýaşyl paýtagty” Walensiýa bolar.
