1863-nji ýylyň 26-njy awgustynda Helsinkide şwed dilinde neşir edilýän “Helsingfors Dagblad” (Helsinki gündeligi) gazeti Finlýandiýanyň baýdagynyň nusgasyny teklip edýär. Şondan bäri ýurduň baýdagynyň görnüşi onçakly üýtgedilmedi. Finlýand baýdagy beýleki demirgazyk Ýewropa ýurtlary bolan Islandiýa, Norwegiýa, Şwesiýa we Daniýa ýurtlarynyňky ýaly haç şekillidir. Baýdakdaky gök reňk ýurduň kölleriniň we mawy asmanyň nyşany hasaplanýar. Ak reňk bolsa, ýylyň köp wagtynda ýeri örtüp durýan garyň alamatydyr.
