Arap klublary Ýewropada transfer möwsümi tamamlansa-da, düzümlerine oýunçy goşmagyny dowam edýär. “Al-Ittifak” hem-de “Al-Ittihad” toparlary düzümine täze oýunçy goşdy.
Saud Arabystanynyň “Al-Ittifak” kluby “Ewerton” toparyndan ýamaýkaly Demereý Greýi transfer etdi. Arap kluby 27 ýaşyndaky winger bilen 4 ýyllyk şertnama baglaşdy. “Ewerton” topary-da bu transferden 10 million dollar alar. Stiwen Jerrardyň tälim berýän klubunyň täze transferi geçen möwsümde APL-de 33 oýunda 4 gol geçirdi. 
Jidda şäheriniň “Al-Ittihad” kluby “La Liganyň” “Betis” toparyndan italiýaly Luis Felipeni 25 million ýewro transfer etdi. Arap kluby ispan toparyna goşmaça tölegler hem eder. 26 ýaşyndaky goragçy uzak möhletleýin şertnama gol çekdi. Ol geçen möwsüm “Lasiodan” Betise transfer bolupdy.
