1-nji sent­ýabr­da hor­mat­ly Pre­zi­den­ti­mi­ziň gat­naş­ma­gyn­da Türk­men döw­let bi­na­gär­lik-gur­lu­şyk ins­ti­tu­ty­nyň tä­ze bi­na­lar top­lu­my­nyň düý­bi tu­tul­dy. Da­ba­ra mi­nistr­lik­le­riň we pu­dak­la­ýyn eda­ra­la­ry­nyň, da­şa­ry ýurt­la­ryň­dyr hal­ka­ra gu­ra­ma­la­ryň Türk­me­nis­tan­da­ky we­kil­ha­na­la­ry­nyň ýol­baş­çy­la­ry­dyr we­kil­le­ri, bi­lim iş­gär­le­ri, ta­lyp ýaş­lar gat­naş­dy­lar.
2023-2024-nji okuw ýy­ly­nyň il­kin­ji gü­nün­de ýo­ka­ry okuw mek­dep­le­riň bir­nä­çe­si­niň düý­bü­niň tu­tul­ma­gy ýur­du­myz­da hor­mat­ly Pre­zi­den­ti­mi­ziň, Gah­ry­man Ar­ka­da­gy­my­zyň bi­lim pu­da­gyn­da al­nyp ba­ryl­ýan iş­le­riň ge­ri­mi­niň bar­ha gi­ňel­ýän­di­gi­ni tas­syk­la­ýar.
Hor­mat­ly Pre­zi­den­ti­miz Ser­dar Berdimuhamedowyň Ka­ra­ry­na la­ýyk­lyk­da, Aş­ga­bat şä­he­ri­niň Gö­rog­ly kö­çe­si­niň ug­run­da Türk­men döw­let bi­na­gär­lik-gur­lu­şyk ins­ti­tu­ty­nyň 5 müň orun­lyk bi­na­lar top­lu­my “Aja­ýyp-gur­lu­şyk” hu­su­sy kär­ha­na­sy ta­ra­pyn­dan bi­na edi­ler. Ins­ti­tu­ty­my­zyň tä­ze bi­na­lar top­lu­my­ny 2026-njy ýy­lyň sent­ýabr aýyn­da ulan­ma­ga do­ly taý­ýar edip tab­şyr­mak göz öňü­ne tu­tul­ýar.
Ar­ka­dag Ser­dar­ly bag­ty­ýar ýaş­lar ýy­ly­nyň be­re­ket­li güýz gü­nü­niň il­kin­ji gü­nün­de bo­lup ge­çen ta­ry­hy wa­ka­la­ryň bi­ri-de Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedow Bi­lim­ler we ta­lyp ýaş­lar gü­ni hem-de tä­ze okuw ýy­ly­nyň baş­lan­ma­gy my­na­sy­bet­li bag­ty­ýar türk­men ýaş­la­ry­na umu­my okuw sa­pa­gy­ny geç­di.
Halk Mas­la­ha­ty­nyň Baş­ly­gy, il­ki bi­len, bu ýe­re ýyg­na­nan­la­ry ýur­du­my­zyň jem­gy­ýet­çi­lik dur­mu­şyn­da mö­hüm äh­mi­ýe­te eýe bo­lan Bi­lim­ler we ta­lyp ýaş­lar gü­ni hem-de tä­ze okuw ýy­ly­nyň baş­lan­ma­gy my­na­sy­bet­li tüýs ýü­rek­den gut­la­dy.
Türk­men hal­ky­nyň Mil­li Li­de­ri çy­ky­şyn­da ýe­ne-de san­ly­ja gün­ler­den Türk­me­nis­ta­nyň Ga­raş­syz­ly­gy­na eýe bo­la­ny­na 32 ýy­lyň dol­ýan­dy­gy­ny hem aý­ra­tyn bel­le­di.
“Tä­ze ta­ry­hy dö­wür­de uzak gel­je­gi na­zar­la­ýan “Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022-2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li Mak­sat­na­ma­sy”, “Türk­me­nis­ta­nyň Pre­zi­den­ti­niň ýur­du­my­zy 2022-2028-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­sy”, “Türk­me­nis­ta­nyň Pre­zi­den­ti­niň oba­la­ryň, şä­her­çe­le­riň, et­rap­lar­da­ky şä­her­le­riň we et­rap mer­kez­le­ri­niň ila­ty­nyň ýa­şa­ýyş-dur­muş şert­le­ri­ni öz­gert­mek bo­ýun­ça 2028-nji ýy­la çen­li dö­wür üçin Mil­li Mak­sat­na­ma­sy” ka­bul edi­lip, ber­ka­rar Wa­ta­ny­myz­da ösüş­le­riň ýe­ňiş­li we şöh­rat­ly ýol­la­ry ge­çil­ýär” – di­ýip, türk­men hal­ky­nyň Mil­li Li­de­ri bel­läp geç­di.
Okuw sa­pa­gy çuň­ňur ma­ny-maz­mu­na eýe bo­lup, oňa gat­na­şan bag­ty­ýar türk­men ýaş­la­ry­nyň her bi­ri­niň kal­byn­da ýa­kym­ly tä­sir­le­ri gal­dyr­dy hem-de ola­ryň baý­ram­çy­lyk şat­ly­gy­ny, go­wy okap, kä­mil hü­när­men bo­lup ýe­tiş­mek, ýur­du­my­zyň ösüş­le­ri­ne my­na­syp go­şant goş­mak hö­we­si­ni art­dyr­dy.
Çy­ky­şyň bar­şyn­da türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedow ýaş­la­ra wa­tan­çy­lyk we eder­men­lik ba­ra­da­ky pa­ra­sat­ly öwüt-ne­si­hat­la­ry­ny ber­di.
“Ra­ýat­la­ry­my­zyň dur­muş go­rag­ly­ly­gy­ny, iş üp­jün­çi­li­gi­ni, ýa­şa­ýyş-dur­muş de­re­je­si­ni has-da go­wu­lan­dyr­ýan öz­gert­me­le­ri­mi­zi üs­tün­lik­li ama­la aşyr­ýa­rys” – di­ýip, Gah­ry­man Ar­ka­da­gy­myz aý­ra­tyn üns çek­di.
Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gah­ry­man Ar­ka­da­gy­my­zyň çy­ky­şy şow­hun­ly, do­wam­ly el çar­pyş­ma­lar bi­len gar­şy­lan­dy.
Ösen aň-dü­şün­je­li, ukyp-ba­şar­nyk­ly ýaş­la­ry ke­ma­la ge­tir­mek, san­ly bi­lim ul­ga­my­ny kä­mil­leş­di­rip, ony dur­mu­şy­my­za giň­den or­naş­dyr­mak ba­ba­tyn­da äh­li ta­gal­la­la­ry ed­ýän Gah­ry­man Ar­ka­da­gy­my­zyň, hor­mat­ly Pre­zi­den­ti­mi­ziň ja­ny sag bol­sun, alyp bar­ýan tu­tum­ly iş­le­ri ro­waç­lyk­la­ra bes­len­sin!

Ma­hym Mag­ty­mo­wa, Türk­men döw­let bi­na­gär­lik-gur­lu­şyk ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА