Dünýä Kubogy 2026-nyň saýlama tapgyrynyň Günorta Amerika zolagynda 4-nji duşuşyklar geçirildi. Argentinanyň ýygyndysy myhmançylykda Peru döwletiniň ýygyndysy bilen duşuşdy. Myhmanlaryň artykmaçlygynda geçen oýunda Argentinanyň ýygyndysy Lionel Messiniň 32-nji hem-de 42-nji minutdaky gollary bilen 2-0 hasabynda ýeňiş gazandy. Messiniň gollarynyň paslaryny Niko Gonzales bilen Enzo Fernandes berdi. Şunlukda, super ýyldyz Lionel Messiniň Dünýä Kubogynyň saýlama tapgyrynda geçiren gollarynyň sany 31-e ýetdi. Ol bu ugurda Luisiň Suaresiň rekordyny (29 gol) täzelemegi başardy. Başgaça aýdylanda, Lionel Messi Dünýä Kubogynyň saýlama tapgyrynda iň köp gol geçiren Günorta amerikaly futbolçy boldy.
