Her ýylyň 24-nji oktýabry Birleşen Milletler Guramasynyň güni hökmünde bellenilýär. 1945-nji ýylyň 24-nji oktýabrynda Birleşen Milletler Ylalaşygy çap edilýär we Gurama esaslandyrylýar. BMG dünýäniň ähli hökümetleriniň arasynda hyzmatdaşlygy ýola goýmagy maksat edinýän hökümetara guramadyr. Bu Gurama Milletler Ligasynyň ornuny tutmagy we dünýäde parahatçylygyň saklanmagy maksady bilen döredilýär.
1949-njy ýylyň 24-nji oktýabrynda bolsa, ABŞ-nyň Nýu-Ýork şäheriniň Manhetten etrabynda Ist-Riwer aýlagynyň (Gündogar derýasy hem diýilýär) kenarynda BMG-niň ştab-kwartirasynyň binasynyň düýbi tutulýar. Toplum 1951-nji ýylda tamamlanyp, şondan bäri BMG-niň ştab-kwartirasy bolup hyzmat edýär.
