2007-nji ýylyň 5-nji noýabrynda “Google” kompaniýasy mobil enjamlar üçin niýetlenen “Android” amaly ulgamyny tanyşdyrýar. Häzirki wagtda smartfonlarda, dürli mobil enjamlarda we telewizorlarda ulanylýan bu ulgam “Linux kernel” amaly ulgamynyň kämilleşdirilmegi bilen işlenip taýýarlanýar. Şol döwürler “akylly” telefonlar ýaňy ýaýrap başlandygy üçin her kompaniýa öz amaly ulgamy bilen enjam öndürýärdi. Şol ýyl Apple” kompaniýasynyň “iOS” amaly ulgamly ilkinji smartfony hem peýda bolýar. Şeýlelikde, şol ýyldan başlap, dünýäde mobil enjamlarda esasan iki – “Android” we “iOS” amaly ulgamly telefonlar peýda bolýar. “Android” amaly ulgamly ilkinji smartfon bolan “HTC Dream” 2008-nji ýylyň 23-nji sentýabrynda tanyşdyrylýar.
