Pandemiýanyň yzda galmagy syýahatçylyk pudagyna we awiakompaniýalaryň girdejilerine täsir edip başlady. Ýaponiýanyň iň uly awiakompaniýasy bolan “All Nippon Airways” (ANA) girdejileri barada maglumat berdi. Aprel-sentýabr aýlarynda ANA-nyň arassa peýdasy 4,8 esse artyp, 93,2 milliard ýene (620 million dollar) ýetipdir. Peýdanyň artmagynda geçen ýylyň ahyrynda çäklendirmeleriň aýrylmagy bilen halkara gatnawlaryň artmagynyň täsiriniň bardygy bellenildi. Ýapon kompaniýasy geljek ýylyň martyna çenli dowam edýän gyşky möwsümde Hytaýa gatnawyny 20 göterim artdyrandygyny mälim etdi.
