Ýewropa çempionatynyň saýlama tapgyrynyň H toparçasynda öz meýdançasynda Sloweniýany Maele hem-de Delaniniň gollary bilen 2-1 ýeňen Daniýanyň ýygyndysy 10-njy gezek yklym ýaryşyna gatnaşar. Olar mundan öň 1964-nji, 1984-nji, 1988-nji, 1992-nji, 1996-njy, 2000-nji, 2004-nji, 2012-nji hem-de 2020-nji ýyllarda Ýewropa çempionatyna gatnaşypdy. Daniýanyň ýygyndysy 1992-nji ýylda çempionlyk hem gazanypdy. Gazagystanyň ýygyndysy öz meýdançasynda San Marinony 3-1 hasabynda ýeňip, Ýewropa çempionata gatnaşmak mümkinçiligini dowam etdirdi.
Toparçadan Ýewropa çempionatyna gatnaşjak 2-nji topar Sloweniýa bilen Gazagystanyň arasyndaky duşenbe güni Lýublýanada oýnaljak duşuşykdan soň belli bolar. Sloweniýanyň 19, Gazagystanyň 18 utugy bar. 1-nji duşuşykda Sloweniýa myhmançylykda 2-1 hasabynda ýeňiş gazanypdy.
