Olimpiýa şäherçesindäki 5 müň orunlyk Başa-baş söweş sungaty sport toplumynda geçirilýän Kuraş boýunça XIV Dünýä çempionatynyň tutluşyklary dowam edýär.
Erkekleriň arasynda 100 kg agramda çykyş edýän ildeşimiz Ruslan Esgerow müsürli garşydaşy Tamer Taalat Ismail Asfurdan üstün çykdy.
48 kg agramda çykyş edýän zenan türgenimiz Aýşirin Döwletowa bolsa, hindistanly bäsdeşi Simrany ýeňip, indiki tapgyra çykmagy başardy. Zenan türgenimiz Indoneziýanyň türgeni bilen ýarym finalda duşuşar.
