Awtoulag gurluşyk kompaniýasy “Mercedes-Benz” we meşhur arap dewoleperi “Binghatti Properties” bilelikdäki taslamasyny mälim etdi. “Mercedes-Benz”-iň ýörite niýetlenen bölümi “Mercedes-Benz Places” diýlip atlandyryljak 65 gatly kaşaň gökdirän binanyň gurluşygyna gatnaşar. Bu bina nemes awtoulag öndürijisiniň bu işde ilkinji tejribesi bolar we 2026-njy ýylyň ahyryna çenli ilkinji barjamly ýaşaýjylaryny kabul etmäge taýyn bolar diýip, “Arabian Business” habar berýär.
Belentligi 341 metre ýetjek gökdiräniň ilkinji taslamasyndan ugur alsaň, daşky dizaýnynda “Mercedes-Benz”-iň nyşanlary ulanylyp bezeler. Bina Dubaýyň merkezinde ýerleşer.
Taslama barada jikme-jik maglumatlaryň 24-nji ýanwarda mälim ediljekdigi bellenýär. Maglumatlara görä, gozgalmaýan emlägiň her öýi 8,8 million dirhemden 79 million dirhem aralygynda (2,4 milliondan dollardan 21,5 million dollar aralygynda) baha kesilýär.
