Hünärmenler 2023-nji ýylda iň möhüm üstünlikleri gazanan alymlaryň sanawyny düzdüler. Olaryň atlary “Nature” atly abraýly ylmy neşiriň resmi web sahypasynda ýerleşdirildi.
Sanawda “Chandrayaan-3” missiýasynyň ýolbaşçylarynyň biri Kalpana Kalahasti bolup, ol Hindistanyň taryhynda ilkinji bolup, Aýyň üstüne gonmaga niýetlenen planetalararasy enjamy taýýarlamakda möhüm rol oýnady. Şeýle hem sanawa ChatGPT emeli aňly çat-boty döreden Ilýa Suskewer hem girizildi.
Olardan başga-da, Amazon tokaýlarynyň kesilmeginiň öňüni almagyň hötdesinden gelen Braziliýanyň daşky gurşaw ministri Marina Silwa, agramy azaltmaga niýetlenen dermany işläp taýýarlamaga gatnaşan biohimik Swetlana Moýsow, R21 gyzzyrma garşy sanjymy döreden Halido Tinto, şeýle hem peşew haltasyny bejermegiň täze usulyny oýlap tapan Tomas Powles dagy ýylyň gahrymanlary boldylar. Sanawda jemi on adam bar.
