ABŞ-nyň Wirjiniýa ştatynyň ýaşaýjysy Jessika Winsent atly zenan ulanylan harytlaryň satylýan dükanyndan 3,99 dollara küýze satyn aldy. Küýzäniň aşagynda oýulyp ýazylan “M” harpy Jessikanyň ünsüni çekipdir. Şeýlelikde, ol bu küýze barada öwrenmek üçin internetden gözleg edipdir. Ol “M” harpynyň Wenesiýanyň golaýyndaky aýnadan dürli zatlaryň ýasalýan Murano adasy bilen baglydygyny pikir edip, auksion öýüne ýüz tutupdyr. Hünärmenler küýzäniň italýan binagär Karlo Skarpanyň 1940-njy ýyllarda döreden “Pennellate” seriýasynyň bir bölegidigini anyklapdyrlar. Netijede, auksion öýi küýzäni ýewropaly bir kolleksiýaça 107 müň 100 dollara satdy.
Winsent dükanda bu küýzäni göreninde onuň gymmatly bolup biljekdigini, 1000 ýa-da 2000 dollar bahasynyň bardygyny pikir edendigini belleýär.
