18-nji dekabrdan 19-njy dekabra geçilen gijede Hytaýyň Gansu we Sinhaý welaýatlarynda Rihter ölçegine görä 6,2 bal ýertitreme boldy. Ýertitreme zerarly köp sanly adamyň pida bolandygy we ýaralanandygy mälim edildi. Ilkinji maglumatlara görä, Gansu welaýatynda 113, Sinhaý welaýatynda 14 ada pida bolupdyr. Ýurduň demirgazyk-günbatarynda bolup geçen ýer yranmasy zerarly Gansuda 536, Singaýda 198 adama şikes ýetipdir.
Halas ediş işlerini ýetrine ýetirmek üçin sebite dört müňe ýakyn adam ugradylypdyr. Olar halas edijilerden, ýangyç söndürijilerden, harby we polisiýa işgärlerinden durýar. Şeýle hem tebigy hadysanyň bolup geçen ýerlerine çadyr, düşekçe, eplenýän krowat, odeal ýaly zerur zatlaryň ýetirilendigi habar berilýär.
Geçen ýylyň sentýabrynda ýertitreme bolan sebitiň günortasyndaky Syçuan welaýatynda hem Rihter ölçegine görä, 6,8 bal ýertitreme bolupdy. 2008-nji ýylda bolsa bu ýerde has uly – 7,9 bal ýertitreme bolupdy.
