Gurluşygyna 1949-njy ýylyň 24-nji oktýabrynda başlanan BMG-niň ştab-kwartirasynyň binasy açyldy. Şondan bäri BMG-niň ştab-kwartirasy bolup hyzmat edýär bina ABŞ-nyň Nýu-Ýork şäheriniň Manhetten etrabynda, Ist-Riwer aýlagynyň (Gündogar derýasy hem diýilýär) kenarynda ýerleşýär.
9-njy ýanwarda bolan beýleki wakalar:
1968: NASA-nyň uçuran “Surveyor 7” artly kosmos gämisi Aýyň ýüzüne gondy. Bu enjam ABŞ-nyň Aýyň ýüzüni öwrenmek maksady bilen amala aşyran soňky missiýasy boldy.
1968: Meksikanyň paýtagty Mehico Siti şäherine taryhda ilkinji we soňky gezek gar ýagdy. Gar iki gün dowam etdi.
1969: Ses tizliginden gaty uçýan ýolagçy uçary bolan “Concorde” synag uçuşyny üstünlikli tamamlady.
1986: “Kodak” kompaniýasy “Polaroid” bilen ýüze çykan düşünişmezlik sebäpli bada-bat surat çykaryp berýän apparatyň önümçiligini ýatyrmaly boldy. “Polaroid” düşen wagtyň surat çykaryp berýän fotoenjamy bilen bütin dünýäde meşhurlyk gazanypdy. “Kodak” şeýle apparat çykaranda, kazyýete ýüz tutupdy.
