Butanda geçirilen ählumumy saýlawlaryň deslapky netijelerine görä, Halk-demokratik partiýasy (HDP) Milli Assambleýanyň (parlamentiň aşaky palatasy) saýlawlarynda 30 orun bilen, Butanyň Abadançylyk partiýasy (BAP) bolsa 17 orna eýe boldy. Bu barada ýerli habar beriş serişdeleri mälim etdi.
2023-nji ýylyň noýabr aýynda geçirilen saýlawlaryň birinji tapgyrynda öňe saýlanan iki partiýa 9-njy ýanwarda Gimalaý Patyşalygynyň ähli saýlaw okruglarynda liderlik ugrunda bäsleşdiler. Azyndan 24 saýlaw okrugynda ýeňiş gazanan partiýa hökümet gurmak hukugyny gazandy.
Dördünji milli parlament saýlawlaryna jemi 498 müň 135 saýlawçy gatnaşdy, şolardan 117 müň 114 adam poçta arkaly ses berdi, bu hasaba alnan saýlawçylaryň umumy sanynyň 23,5 göterimini düzýär.
Deňze çykalgasy bolmadyk 800 müň töweregi ilaty bolan Butanda ilkinji parlament saýlawlary 2008-nji ýylda geçirildi. Olar häzirki patyşa Jigme Khesar Namgмal Wançukyň hökümdarlygy başlanandan gysga wagtyň içinde ýurtda iki palataly parlament döredilende syýasy özgertmeleriň netijesi boldy.
