Ispaniýanyň Super Kubogy ýaryşynyň ýarym finalynda “Atletikony” goşmaça wagtda 5-3 hasabynda ýeňen “Real Madrid” bu gezek kubok ýaryşynda utuldy.
“Atletikonyň” meýdançasynda geçirilen 1/8 finalyň duşuşygynda ýer eýeleri goşmaça wagtda ýeňşini baýram etdi. Esasy wagty 2-2 deňlikde gutaran oýnuň goşmaça wagtynda Simeonenyň şägirtleri 2 gol geçirmegi başardy. Duşuşygyň esasy wagtynda “Atletiko” Lino (39) hem-de Moratanyň (57) gollary bilen 2 gezek öňe geçse-de, “Real” her gezekde hasaby deňledi. “Real” ilki Oblagyň awtogoly (45+1), soňra Hoselunyň (82) goly bilen hasaby deňlemegi başardy. Goşmaça wagtda bolsa Antuan Grizmann (100) hem-de Rodrigo Rikelme (119) “Atletiko Madride” ýeňiş getiren gollary derwezä girizdi. Şunlukda, 10-njy ýanwarda oýnalan duşuşygyň rewanşynda ýeňiş gazanan “Atletiko” şol ýeňlişiň aryny almagy başardy. Şa Kubogynyň (Copa del Rey) soňky eýesi “Real Madrid” üçin bu ýaryş şu möwsümde wagtynda ir tamamlandy.
Şeýle-de, “Barselona” myhmançylykda 3-nji liganyň wekili “Unionistas” toparyny garşydaşynyň öňe geçendigine garamazdan Torres, Kunde hem-de Baldeniň gollary bilen 3-1 hasabynda ýeňmegiň hötdesinden geldi.
“Žirona”, “Selta”, “Sewilýa”, “Real Sosiedad”, “Malýorka”, “Atletik Bilbao” klublary-da çärýek finala çykan beýleki toparlar boldy.
