“Ýuwentus” portugaliýaly goragçyny transfer etdi

Italiýanyň öňdebaryjy klublaryndan “Ýuwentus” topary düzümini güýçlendirýär. Turin şäheriniň wekili Fransiýanyň “Lill” klubunyň portugaliýaly goragçysy Tiago Džalony transfer etdi. “Goja Sinýora” 21 ýaşyndaky goragçy üçin fransuz klubuna 3,6+2,6 million ýewro berer. “Ýuwentus” Džalo bilen 2026-njy ýylyň tomsuna çenli şertnama baglaşdy. 2019-njy ýylda “Milan” bilen şertnama baglaşan Džalo 1 duşuşyk hem geçirmän “Lill” toparyna transfer boldy. Ol “Lillde” çempionatyň çäginde 78 duşuşykda 3 gezek tapawutlandy.