Daniýanyň Fýun adasyndaky Odense şäheriniň gündogarynda geçirilen gazuw-agtaryş işlerinde täsin pyçak tapyldy. Pyçagyň ýüzünde gadymy skandinaw dilinde “kiçijik gylyç” diýen manyny aňladýan “hirila”sözi haşamlanyp ýazylypdyr. Bu Daniýada tapylan iň gadymy ýazgyly pyçak bolup, barlag geçirijilere skandinaw ýurtlarynyň iň gadymy ýazuwyna düşünmäge kömek eder.
