Täsin syýahat

Soň­ky ýyl­lar­da sy­ýa­hat­çy­lyk ösen pu­dak­la­ryň bi­ri­ne öw­rül­di. Is­len­dik ýur­da sy­ýa­ha­ta ba­ra­nyň­da haý­sy­dyr bir tä­sin za­da, üýt­ge­şik ge­ze­lenç ugur­la­ry­na we öz­bo­luş­ly te­bi­gy gö­zel­lik­le­re duş gel­mek bol­ýar. My­sal üçin, Şri-Lan­ka­da pi­liň üs­tü­ne mü­nüp çaý meý­dan­la­ry­na, to­ka­ýa ge­ze­lenç et­mek, Şweý­sa­ri­ýa­da fi­ni­kul­ýar ot­la mü­nüp, gyş şy­pa­ha­na­la­ry­na bar­mak, da­gyň de­pe­sin­de ly­ža­ly ge­ze­lenç­le­ri gu­ra­mak, Hy­taý­da da­ga ýa­py­şyp du­ran lift bi­len be­ýik­li­ge ga­lyp, «Awa­tar» fil­mi­niň ga­ýa­la­ryn­da aý­lan­mak, Transsibir demir ýo­ly ar­ka­ly 1 hep­dä­niň do­wa­myn­da ýur­duň dür­li şä­her­le­ri­ne ge­ze­lenç et­mek we ş.m.
Şeý­le tä­sin ge­ze­lenç­le­riň bi­ri hem «pol­ýar aýy­la­ryň paý­tag­ty» ha­sap­lan­ýan Çer­çill şä­he­rin­de gu­ral­ýan ak aýy sy­ýa­ha­ty­dyr. Ka­na­dada Çer­çilliň golaýyndaky çöl­de gyş pas­ly­nyň gel­me­gi bi­len gar­ly meý­dan­lar eme­le gel­ýär. Sent­ýabr aýyn­dan no­ýabr aýyna çenli Hud­son aý­la­gy­nyň ke­nar­la­ry, Lab­ra­dor ýa­rym ada­syn­da­ky Torn­gat dag­la­ry we De­mir­ga­zyk-gün­ba­tar ge­çel­ge­si owa­dan gyş man­za­ry­na bürenýär. Bu ýer­ler­de pol­ýar aýy­la­ry­nyň sü­rü­le­ri­ne duş gel­mek bol­ýar. 30 ýyl­dan gow­rak mun­dan öň baş­la­nan ak aýy ge­ze­len­ji­ne ýol­baş­çy­lyk ed­ýän ýol­be­let Dug Ross şeý­le bel­le­ýär: «Sy­ýa­hat­çy­la­ryň kö­pü­si bu ýe­re gel­mä­ge uly gy­zyk­lan­ma bil­dir­ýär. Hud­son aý­la­gy­nyň akym­la­ry ak aýy­la­ry şu ke­na­ra (Çer­çill şä­he­ri­ne) alyp bar­ýar. To­mus­da de­ňiz bu­zy erän­de bu jan­dar­lar iý­mit göz­läp ke­na­ra göç­ýär­ler».
Ag­ra­my 600 ki­log­ram­dan gow­rak bo­lan ýyr­ty­jy jan­dar­la­ryň ara­syn­da ge­ze­lenç et­mek üçin ýö­ri­te sy­ýa­hat­çy­lyk aw­to­bu­sy iş­le­nip dü­zü­lip­dir. Şä­he­riň tund­ra meý­dan­la­ryn­da ar­ka­ýyn he­re­ket edip bil­ýän aw­to­bu­syň be­ýik­li­gi 6 met­re go­laý bo­lup, uzyn­ly­gy 20 metr tö­we­re­gi. Aw­to­bu­syň 6 sa­ny uly tig­ri ýol­suz ýer­den ýö­re­mä­ge, pol­ýar aýy­la­ryny ýo­kar­dan syn­la­ma­ga müm­kin­çi­lik ber­ýär. Aw­to­bu­syň içi­ne ka­şaň otur­gyç­lar, şeý­le hem ýy­la­dy­jy en­jam­lar or­naş­dy­ry­lyp­dyr. Aw­to­bu­syň yzyn­da üs­ti açyk bal­kon göz öňün­de tu­tu­lyp, borty po­lýar aýy­la­ry syn­la­mak üçin gö­ze­nek­li edi­lip ýa­sa­lyp­dyr. Sy­ýa­hat­çy­lar 850 müň gek­tar meý­da­ny tut­ýan Çer­çill ýa­ba­ny te­bi­ga­ty do­lan­dyr­mak se­bi­tin­de ge­ze­lenç­de bo­lup, ak aýy­la­ry ýa­kyn­dan syn­lap, gyzykly wa­ka­la­ryň şa­ýa­dy bol­ýar­lar. Ge­ze­len­jiň do­wa­myn­da sy­ýa­hat­çy­la­ra bir kä­se gyz­gyn çor­ba, pol­ýar aýy­la­ry ba­ra­da gys­ga film­ler we gijeki gör­ke­ziş çä­re­le­ri hö­dür­len­ýär. Uly ak aýy sy­ýa­ha­ty­nyň do­wa­myn­da aýy­lar­dan baş­ga-da, ka­ri­buny, pol­ýar tow­şa­ny­ny, ark­ti­ka we gy­zyl til­ki­ni ýa­kyn­dan syn­lap, guş­la­ryň 225 gör­nü­şi­ne duş gel­mek bol­ýar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА