Alymlar ABŞ-nyň San-Fransisko muzeýindäki akwariumda saklanýan balygyň akwariumda ýaşaýan iň garry balykdygyny çaklaýarlar. Bu balyk 1938-nji ýyla Awstraliýadan getirilipdir. Matuşelah atly deňiz jandary şol wagt 5 ýa-da 6 ýaşynda eken. Şeýlelikde, onuň häzirki wagtda 90 töweregi ýaşandygy çaklanylýar.

Metuşelahyň uzynlygy 1,22 metre, agramy 18 kilograma barabar. Ol täze injir iýmegi halaýar. Balyga ideg edýänler onuň ýaşynyň we jynsynyň anyklanmagy üçin ýüzgüjiniň bir bölegini Awstraliýa ibermekçi bolýarlar. Bu balygyň dem almak üçin žabrasy hem-de öýkeni bar. Tebigatda sany azalan bu balyk, esasan, Awstraliýadaky suwlarda gabat gelýär. Bu balygyň daşary ýurtlara çykarylmagy häzirki wagtda gadagan edilýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА