21-nji awgustda Türkmenistanyň hemişelik Bitaraplygynyň 30 ýyllygy mynasybetli Astrahan şäheriniň “Ilýuzion” kinoteatrynda “Magtymguly Pyragy” atly türkmen çeper filmi görkezildi.
Çärä Türkmenistanyň Russiýa Federasiýasyndaky (Astrahan şäheri) Konsuly, “Hazar mediaforum – 2025” çärä gatnaşmak üçin gelen Türkmenistanyň wekiliýet agzalary, Astrahan şäheriniň ýokary okuw mekdeplerinde bilim alýan Türkmenistanly talyplar hem-de Astrahan oblastynyň çäginde kowçum bolup ýaşaýan türkmenler gatnaşdylar.
Kino görkezilmezinden öň Türkmenistanyň Telewideniýe, radiogepleşikler we kinomatografiýa baradaky döwlet komitetiniň Halkara gatnaşyklary bölüminiň esasy habarçysy A.Ataýew giriş sözi bilen çykyş etdi. Ol öz çykyşynda Beýik akyldar şahyr Magtymguly Pyragynyň döredijiligi Türkmenistanyň medeni mirasynda uly ähmiýete eýe bolýandygyny we Hazar sebitiniň ýurtlarynyň arasynda ynsanperwer gatnaşyklary ösdürmegiň wajyplygyny belläp geçdi.

Gyzykly bolup bilerЕЩЕ ОТ АВТОРА