Ispaniýanyň Super Kubogy ýaryşynda ilkinji finalçy belli boldy. Saud Arabystanynyň Jidda şäherindäki “Şa Abdullah Sport Siti” stadionynda geçirilýän ýaryşyň 1-nji ýarym finalynda “Barselona” bilen “Atletik Bilbao” duşuşdy. Katalonlaryň doly artykmaçlygynda geçen oýunda “Barselona” 5-0 hasabynda ýeňiş gazandy. 1-nji ýarymda 4 gol geçiren “Barselona” toparynyň gollaryny Ferran Torres (22), Fermin Lopes (30), Runi Bardagji (34) hem-de Rafinýa (38, 52) derwezä girizdi.

“Barselonanyň” finaldaky garşydaşy şu gije belli bolar. Ýarym finalyň beýleki duşuşygynda, Madrid derbisinde “Real” bilen “Atletiko” toparlary duşuşarlar. Duşuşyk Aşgabat wagty bilen ýarygijede (00:00) başlanar.

Ýeňiş gazanan topar finalda “Barselona” bilen duşuşar. Final duşuşygy 11-nji ýanwarda ýekşenbe güni oýnalar (00:00).

Gyzykly bolup bilerЕЩЕ ОТ АВТОРА