“Bawariýa” “Ýuwentusyň” goragçysyny aldy

“Bundesliganyň” soňky 10 ýylynyň çempiony “Bawariýa” topary goragyny güýçlendirmegini dowam edýär. Münhen şäheriniň kluby italýan topary “Ýuwentusyň” niderland goragçysy Matteýs de Ligti transfer etdi. “Bawariýa” topary De Ligt bilen 5 ýyllyk şertnama baglaşdy. Nemes kluby bu transfer üçin italýanlara 4 ýylyň dowamynda 67 million ýewro berer. Goşmaçalar bilen ýene-de 10 million ýewro hem tölär. De Ligt 2019-njy ýylda 75 million ýewro “Aýaksdan” “Ýuwentusa” geçipdi. 22 ýaşyndaky oýunçy turinlileriň düzüminde 3 möwsümde 117 oýunda meýdança çykdy (8 gol).