Daniýanyň paýtagtynda şäheriň adybir topary “Kopengagen” “Bundesliganyň” wekili “Baýeri” kabul etdi. Çekeleşikli geçen oýunda ýer eýeleri 2 gezek öňe saýlansa-da, lewerkuzenliler hasaby deňlemegi başardy. Oýnuň 9-njy minutynda Larsson datçanlary öňe saýlady. Bu gola nemesler 82-nji minutda Grimaldonyň jerime urgusyndan salan owadan goly bilen jogap berdi. Duşuşygyň 87-nji minutynda Robertiň goly bilen “Kopengagen” ýene bir gezek öňe geçdi. Ýöne soňky minutlarda hasaby deňlemekde ýa-da ýeňiş gazanmakda ýakasyny tanadan “Baýer” şol däbine bu duşuşykda-da eýerdi. Oýnuň 90+1-nji minutynda Eçewerriniň uran urgusynda top goragçy Hatzidakosyň aýagyna degip, derwezä girdi we awtogol bilenem bolsa hasap deňlendi.

Gyzykly bolup bilerЕЩЕ ОТ АВТОРА