Ame­ri­ka­nyň Bir­le­şen Ştat­la­ryn­da 100 müň­den köp ýa­şaý­jy­sy bo­lan 342 şä­her bo­lup, bu şä­her­le­riň kö­pü­si At­lan­tik we Ýu­waş um­ma­ny­nyň kenarýakasynda ýer­leş­ýär. ABŞ-da­ky şä­her­ler owa­dan te­bi­ga­ty, sal­kyn ho­wa­sy we ka­şaň jaý­la­ry bi­len sy­ýa­hat­çy­la­ry özü­ne çek­ýär. Mi­çi­gan kö­lü­niň suw­la­ryn­da şöh­le­len­ýän be­ýik bi­na­la­ry bi­len gö­ren­le­ri haý­ra­na goý­ýan Çi­ka­go hem Ame­ri­ka­nyň iň owa­dan we ösen şä­her­le­ri­niň bi­ri­dir. «Şe­mal­ly şä­her» ady bi­len ta­nal­ýan bu şä­her hä­zir­ki za­man bi­na­gär­li­gi­niň dö­rän ýe­ri bo­lup, ro­wa­ýa­ta öw­rü­len blýuz aý­dym-sa­zy­nyň me­ka­ny ha­sap­lan­ýar.
Tut­ýan meý­da­ny 600 ine­dör­dül ki­lo­metr bo­lan met­ro­pol­da 3 mil­lio­na go­laý ilat ýa­şa­ýar. Il­li­noýs şta­ty­nyň iň köp ilat­ly şä­he­ri we ABŞ-da iň köp ilat­ly üçün­ji şä­he­ri de­re­je­si­ni sak­la­ýan Çi­ka­go­da ame­ri­kan­lar, af­roa­me­ri­kan­lar, is­pan­lar we azi­ýa­ly­lar ýa­şa­ýar.
Çi­ka­go ýur­duň iň uly köl­le­ri­niň bi­ri bo­lan Mi­çi­gan kö­lü­niň gü­nor­ta-gün­ba­tar ke­na­ryn­da ýer­leş­ýär. Şol se­bäp­li şä­her­de plýaž­lar, ke­nar­ýa­ka dynç alyş mer­kez­le­ri, se­ýil­gäh­ler we we­lo­si­ped ýo­da­la­ry örän köp. Şä­he­riň ho­wa­sy hem ja­na şy­pa­ly bo­lup, maşk ýa-da ge­ze­lenç et­mek üçin ýa­ram­ly ha­sap­lan­ýar. De­ňiz de­re­je­sin­den 179 metr be­lent­lik­de ýer­leş­ýän «şe­mal­ly şä­he­riň» mer­ke­zin­den Çi­ka­go der­ýa­sy akyp geç­ýär. Der­ýa­nyň ug­run­da 38 sa­ny köp­ri bo­lup, gi­je-gün­diz suw ulag­la­ry he­re­ket ed­ýär. Suw ulag­la­ry­nyň ag­la­ba bö­le­gi sy­ýa­hat­çy­lyk gä­mi­le­ri bo­lup, şä­he­riň bi­na­gär­lik gur­lu­şy bi­len ta­nyş­ma­ga müm­kin­çi­lik ber­ýär. Mun­dan baş­ga-da, Çi­ka­go der­ýa­syn­da kö­mür, duz we gur­lu­şyk en­jam­la­ry ýa­ly ýük­ler hem da­şal­ýar.
Şä­her­de «Çi­ka­go mek­de­bi» diý­lip at­lan­dy­ryl­ýan be­ýik yma­rat­la­ryň bi­na­gär­li­gi esas­lan­dy­ryl­ýar. Bu­lut­la­ryň ara­syn­dan gö­rün­ýän Çi­ka­go­da­ky bi­na­lar be­lent­li­gi we ka­şaň­ly­gy bi­len ta­pa­wut­la­nyp, tä­sin şä­her gur­lu­şy­­ny eme­le ge­tir­ýär. Çi­ka­go­da­ky iň be­ýik bi­na Wil­lis di­ňi bo­lup, onuň be­ýik­li­gi 442 met­re ýet­ýär. On­dan soň­ra Tramp hal­ka­ra myh­man­ha­na­sy we di­ňi (423 metr), Sankt-Re­gis­dä­ki re­zi­den­si­ýa bi­na­sy (365 metr), Aon mer­ke­zi (346 metr), Frank­lin mer­ke­zi (307 metr), Pru­den­şal Pla­za 2 (303 metr) we Ak­wa bi­na­sy (262 metr) gel­ýär. Çi­ka­go­nyň meş­hur bi­na­la­ry­nyň ha­ta­ryn­da «Bu­lut der­we­ze­si» di­ýil­ýän «Clo­ud Ga­te» bo­lup, bu bi­na şä­he­riň bi­na­gär­li­gi bi­len hä­zir­ki za­man sun­ga­ty­ny bir­leş­dir­ýär.
XX asy­ryň ba­şyn­da Çi­ka­go gö­çüp ba­ran af­roa­me­ri­ka­ly­lar «del­ta blýuz» sa­zy­ny ge­ti­rip, elekt­rik saz gu­ral­la­ry bi­len bir­leş­dir­ýär­ler. Şeý­le­lik­de, «Çi­ka­go Blues» ady bi­len ta­nal­ýan güýç­li we tä­sir­li aý­dym-saz sti­li dö­re­dil­ýär. Aý­dym-sa­zyň bu žan­ry hä­zir­ki wagt­da meş­hur bo­lup, Çi­ka­go­da ýy­gy-ýy­gy­dan kon­sert­ler gu­ral­ýar. Çi­ka­go her ýyl 55 mil­li­on sy­ýa­hat­çy bar­ýar. Çi­ka­go­da­ky iň esa­sy sy­ýa­hat­çy­lyk mer­ke­zi «Müň­ýyl­lyk» (Millennium Park) se­ýil­gä­hi bo­lup, bu se­ýil­gäh­dä­ki «Clo­ud Ga­te» we «Crown Fo­un­ta­in» he­mi­şe köp adam­ly bol­ýar. Mun­dan baş­ga-da, Çi­ka­go sun­gat mu­ze­ýi, Wil­lis di­ňi, Te­bi­gat ta­ry­hy mu­ze­ýi, Şed­da ak­wa­riu­my, «Navy Pi­er» söw­da we dynç alyş mer­ke­zi, Lin­koln se­ýil­gä­hi şä­he­riň iň meş­hur ýer­le­ri ha­sap­lan­ýar.

Gyzykly bolup bilerЕЩЕ ОТ АВТОРА