Te­bi­ga­tyň ja­na şy­pa­ly mi­we­le­ri­niň bi­ri bo­lan üzüm asyr­lar­bo­ýy sa­ça­gy­my­zyň be­ze­gi bo­lup gel­ýär. Üzü­mi ter­li­gi­ne iý­mek bi­len bir ha­tar­da, kiş­miş, mü­rep­be, şer­bet we to­şap taý­ýar­la­nyl­ýar. Hü­när­men­ler wi­ta­min­le­riň, mi­ne­ral­la­ryň we te­bi­gy şe­ke­riň çeş­me­si bo­lan üzüm to­şa­by­nyň sag­lyk üçin örän peý­da­ly­dy­gy­ny bel­läp, her gün 1-2 na­har çem­çe­si möçberde iç­me­gi mas­la­hat ber­ýär­ler.
Ener­gi­ýa­ny art­dyr­ýar we ýa­daw­ly­gy aýyr­ýar. Üzüm to­şa­byn­da köp muk­dar­da glýu­ko­za we fruk­to­za bar. Bu mad­da­lar be­den­de çalt ener­gi­ýa öw­rü­lip, ada­ma güýç ber­ýär. Ir­de­n üzüm to­şa­by­ny iç­mek gü­nü­ňi ener­gi­ýa bi­len baş­la­ma­ga we ön­jeý­li iş­le­mä­ge ýar­dam ed­ýär.
Ga­naz­ly­ga gar­şy gö­reş­ýär. Dem­re baý üzüm to­şa­by ga­naz­lyk­dan ejir çek­ýän­ler üçin mas­la­hat be­ril­ýän te­bi­gy mel­hem­le­riň bi­ri­dir. Her gün üzüm to­şa­by­nyň 1-2 çem­çe­sini yzy­gi­der­li iç­mek ge­mog­lo­bi­niň de­re­je­si­ni ýo­kar­lan­dyr­ýar we gan öý­jük­le­ri­niň tä­ze­len­me­gi­ne ýar­dam ed­ýär. Esa­san hem, ça­ga­la­ra we ze­nan­la­ra üzüm to­şa­by­ny iç­mek mas­la­hat be­ril­ýär.
Im­mu­ni­te­ti güýç­len­dir­ýär. Üzüm to­şa­byn­da­ky an­ti­ok­si­dant­lar be­de­ni er­kin ra­di­kal­lar­dan go­ra­ýar. Şeý­le hem im­mu­ni­te­ti güýç­len­di­rip, be­de­niň ke­se­le gar­şy gö­re­şi­ji­lik uky­by­ny ýo­kar­lan­dyr­ýar. Gyş aý­la­ryn­da so­wuk­la­manyň we dü­me­wiň öňü­ni al­mak üçin üzüm to­şa­by­ny iç­me­li.
Iý­mit siň­di­ri­şi ýe­ňil­leş­dir­ýär. Üzüm to­şa­byn­da­ky or­ga­nik kis­lo­ta­lar iý­mit siň­di­ri­şi ýe­ňil­leş­di­rip, aş­ga­za­ny ra­hat­lan­dyr­ýar. Şeý­le hem içe­gä­niň he­re­ke­ti­ni ka­da­laş­dy­ryp, iý­mit siň­di­riş, iç ga­ta­ma bi­len bag­ly me­se­le­le­ri ara­dan aýyr­ýar.
Süňk we diş üçin peý­da­ly. Üzüm to­şa­by­nyň dü­zümin­de ýe­ter­lik de­re­je­de kal­siý we mag­niý sak­lan­ýar. Bu mi­ne­ral­lar süň­küň we di­şiň ka­da­ly ösü­şi­ni üp­jün et­mek bi­len bir ha­tar­da, bo­gun­lar­da dö­re­ýän agyrylary azalt­ma­ga ýar­dam ed­ýär.

Gyzykly bolup bilerЕЩЕ ОТ АВТОРА