15-nji ýanwarda Hytaýda bahar festiwalynyň golaýlamagy mynasybetli otly syýahatyndan 10,39 million ýolagçy peýdalandy. Bu barada ýurduň demir ýol edarasy habar berdi.
Ýurtda her ýylda millionlarça adam Hytaý Täze ýyly (Bahar festiwaly hem diýilýär) mynasybetli dogan-garyndaşlary bilen didarlaşmak üçin garry öýlerine gidýär. Bu syýahat 1 aýdan gowrak dowam edýän baýramçylykdan 10 gün çemesi öň başlaýar. Baýramçylygň senesi her ýyl az-kem üýtgäp bu ýyl 22-nji fewralda tamamlanýar. Bilet bron edýän “12306” platformasyndan baýramyň ilkinji gününde jemi 120 million otly bileti bron edilipdir. Demir ýol edarasy artýan ýolagçylary göz öňünde tutup, 554 goşmaça otlynyň işe giriziljekdigini mälim etdi. Syýahat, esasan, Şanhaý, Pekin, Guançžou we Şenžen ýaly iri şäherleriň arasynda has-da artdy.
Geçen ýyl Bahar festiwaly ÝUNESKO-nyň Maddy däl medeni mirasynyň sanawyna girizilipdi.
Bu ýylky baýramçylyk günlerinde ýurduň demir ýollary arkaly günde ortaça 12,75 million ýolagçynyň syýahat etmegine garaşylýar. Bu görkeziji geçen ýylkydan 5,5 göterim ýokary bolar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА