PDF
Germaniýanyň çempionaty “Bundesligada” 24-nji tapgyryň çäginde geçirilen 9 duşuşygyň 8-sinde myhmanlar ýeňiş gazanyp, ýeke-täk duşuşykda-da hasap açylmady.
Sanawyň lideri “Bawariýa” myhmançylykda “Ştutgarty” ýer eýeleri Ştilleriň goly bilen öňe geçse-de, münhenliler Olise, Goreska hem-de Komanyň tapawutlanmagynda 3-1 hasabynda ýeňiş gazandy. Çempion “Baýer” hem myhmançylykda 3-nji orundaky “Aýntrahty” 4-1 hasabynda utdy. Lewerkuzenlilere ýeňiş getiren gollaryň 3-si 1-nji ýarymda 7 minutyň dowamynda geçirilip, Tella, Mukiele, Şik, Aleş Garsiýa “Baýeriň” adyndan tapawutlandylar.
Kem-kemden özüni dürseýän “Borussiýa Dortmund” myhmançylyka “Sankt-Paulini” ýyldyzlary Girassi hem-de Adeýemeniň gollary bilen 2-0 hasabynda ýeňmegi başardy. “Leipsig” topary öz meýdançasynda 2-nji minutda Simonsyň goly bilen öňe geçendigine garamazdan, “Maýnsdan” 2-1 ýeňildi.
Ştutgart – Bawariýa: 1-3 (Ştiller 34 – Olise 45, Goreska 64, Koman 90),
Leipsig – Maýns: 1-2 (Simons 2 – Amiri 52, Burkardt 58),
Haýdenhaý – Borussiýa M: 0-3 (Hak 8, 59, Ngumu 18),
Werder – Wolfsburg: 1-2 (Waýzer 90 – Wimmer 6, 48),
Bohum – Hoffenhaým: 0-1 (Bişof 72),
Sankt-Pauli – Borussiýa D: 0-2 (Girassi 50, Adeýemi 58),
Aýntraht – Baýer: 1-4 (Ekitike 37 – Tella 26, Mukiele 29, Şik 33, Aleş Garsiýa 62),
Union Berlin – Holştaýn: 0-1 (Gigowiç 43),
Augsburg – Fraýburg: 0-0
