17-21-nji ýanwarda meýilleşdirilen Bütindünýä ykdysady forumynyň (WEF) ýüzbe-ýüz duşuşygy 22-26-njy maýa süýşürildi. Bu barada guramanyň web sahypasynda ýerleşdirilen beýanatda mälim edilýär.

“WEF 22-nji maýdan 26-njy maý aralygynda Şweýsariýanyň “Dawos-Kloster” syýahatçylyk merkezinde ýyllyk maslahatynyň geçirilýändigini habar bermekden hoşal” diýlip, guramanyň beýanatynda bellenilýär.

Guramanyň metbugat gullugy ýygnagyň mowzuklarynyň, hususan-da, koronawirus pandemiýasyndan soňky dikeldiş, howanyň üýtgemegine garşy göreş we dördünji senagat rewolýusiýasynyň tehnologiýalaryny ulanmak boljakdygyny habar berdi.

WEF Şweýsariýanyň hökümete degişli bolmadyk guramasydyr. Her ýyl bu ýerde öňdebaryjy işewür ýolbaşçylar, syýasy ýolbaşçylar we dürli iş ugurlaryndaky görnükli hünärmenler bilen duşuşyklar geçirilýär. Müňe golaý iri kompaniýalar we guramalar WEF-iň agzalarydyr.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА