Geljek aý “Apple” kompaniýasy “iPone” smartfonlarynyň nobatdaky tapgyryny tanyşdyrar. Ozalky ýyllardakydan tapawutlylykda “iPone 17”-leriň Hindistandaky önümçiligi artdyryldy. Amerikan kompaniýasy birküç ýyldan bäri Hindistandaky zawodlarynda önümçilik edýärdi. Emma bu ýurtda öndürilýän “iPone”-lar diňe içerki bazarda, ýagny Hindistanda satylýardy. Indi bolsa global bazara niýetlenen smartfonlaryň ähli görnüşi bu ýurtdaky zawodlarda öndürilýär. Häzirki wagtda “Apple”-iň Hindistanda 5 sany önümçilik desgasy bar.
“Apple” sentýabrda tanyşdyryljak “iPhone 17” seriýasyna degişli 4 modeliň ählisini Hindistanda öndürýär. Kompaniýa golaýda ýurduň Tamil Nadu welaýatyndaky “Tata Group”-yň zawodynda önümçiligi ýola goýupdy. Şeýle hem Bangalor aeroportynyň golaýyndaky “Foxconn Technology Group” kompaniýasynyň zawodynda önümçilik amala aşyrylýar.

Hindistanyň “iPhone” eksporty artýar
Maglumatlara görä, aprel aýyndan soňky 4 aýyň dowamynda Hindistandan daşary ýurtlara umumy bahasy 7,5 milliard dollar bolan “iPhone” eksport edilipdir. Bu görkeziji enjamlaryň zawoddan çykan bahasyny aňladýar. Geçen ýylyň dowamynda bolsa, ýurt jemi 17 milliard dollar “iPhone” eksport edipdir.

Gyzykly bolup bilerЕЩЕ ОТ АВТОРА