Amerikanyň Kaliforniýa ştatynyň Berkli uniwersitetiniň inženerleri, simsiz dolandyryp boljak dünýäniň iň kiçi uçýan robotyny döretdiler. Robot uçýan mör-möjekleriň häsiýetini gaýtalamaga dizaýn edildi.
Mör-möjeklere meňzeş bu kiçijik enjamyň ini 1 santimetrden hem az, agramy bary-ýogy 21 milligram, ýagny tüwi dänesinden hem ýeňil. Robot howada aýlanyp, ugruny üýtgedip bilýär, ony bellenen ýere ugrukdyryp bolýar. Mundan başga-da, robot barmasy kyn ýerlerde gözleg etmäge hem kömek edip biler. Berkli uniwersitetiniň gözleg topary professor Liwei Lin we talyby Wei Yue öz işleri barada “Science Advances” žurnalynda çap etdi.
Şeýle kiçi roboty gurnamakdaky iň uly kynçylyklaryň biri ony güýçlendirmekdir. Adaty batareýalar we dolandyryş elektronikasy bu kiçijik robot üçin örän agyr. Bu meseläni çözmek üçin inženerler “akylly” usul ulandylar. Olar daşarky magnit meýdany bilen roboty dolandyrýarlar.
Robot pyrlawaç şeklinde bolup, içinde iki sany kiçijik magnit bar. Robot üýtgeýän magnit meýdançasynda ýerleşdirilende, magnitler pyrlawajy itekleýär. Şunlukda pyrlawaç aýlanyp, robotyň uçmagy üçin ýeterlik güýç döredýär. Magnit meýdanynyň güýjüni sazlamak bilen robotyň nirä gidýändigine gözegçilik edip bolýar, diýip “Science Advances” žurnalynda bellenýär.

Gyzykly bolup bilerЕЩЕ ОТ АВТОРА