Kosmos pudagyndaky iň uly ädimleriň biri ädildi. 30 ýyldan bäri üstünden işlenilýän Jeýms Webb teleskopy kosmosa iberildi. 10 milliard dollarlyk taslamanyň çäklerinde işlenip taýýarlanan teleskop planetalary we ýyldyzlary has ýakyndan öwrenmäge mümkinçilik berer. Adamzat taryhynyň iň gymmat taslamalarynyň biri bolan teleskop arkaly galaktikalaryň nähili emele gelendigi hem öwreniler. Fransuz Gwineýasyndaky Ýewropa kosmos stansiýasyndan uçurylan teleskop häzirki wagtda ulanylýan “Hubble” teleskopynyň ýerine ulanylar. “Ariane” raketasy arkaly uçurylan teleskop 1,5 million kilometr uzakdaky orbitasyna barmak üçin bir aý ýol geçmeli bolar. Taslama Ýewropa, Kanada we ABŞ-nyň kosmos edaralary tarapyndan bilelikde taýýarlandy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА