Hytaýyň Içerki Mongoliýa ülkesindäki Baotou şäherindäki söwda merkezleriniň birinde aşa köp üstünlik gazanmaga ymtylmazlyga, şeýle hem sada durmuşda ýaşamaga çagyrmak maksady bilen täsin ýaryş geçirildi. Bu ýaryşa 240 adam gatnaşyp, has köp ýatmak boýunça bäsleşdiler. Ýaryşa gatnaşyjylardan ýatmagy, emma hajathana gitmezligi talap edildi, şeýle hem olara el telefonyndan peýdalanmaga, kitap okamaga, sargyt esasynda nahar getirtmäge rugsat berildi. Gatnaşyjylaryň 186-sy ilkinji 24 sagatda ýaryşdan çykdylar. Emma olaryň arasyndaky erkek kişi 33 sagat 35 minut galman ýatyp, dünýäniň iň ýalta adamy adynyň eýesi bolmagy başardy. Ol 3 müň ýuan (420 dollar) pul baýragy bilen sylaglandy.
Täsin ýaryşy öý mebellerini satýan kompaniýalaryň biri gurady.

Mährem BABAMYRADOWA, Halkara senagatçylar we telekeçiler uniwersitetiniň talyby, Türkmenistanyň Ýaşlar baýragynyň eýesi.

Gyzykly bolup bilerЕЩЕ ОТ АВТОРА