Boliwiýanyň Kubogy ýaryşynyň çärýek finalynyň jogap duşuşygynda “Real Orura” bilen “Klub Bluming” toparlary duşuşdy. Duşuşygyň esasy wagty 2-2 hasabynda tamamlandy. Ýöne esasy waka duşuşykdan soň boldy. Oýnuň ahyrynda meýdançadaky futbolçylaryň arasynda ýüze çykan ýumruklaşmany polisiýanyň kömegi bilen duruzmak başartdy. Sebastian Zebalýos (“Klub Bluming”) bilen Hulio Wilanyň (“Real Orura”) başyny başlan urşunyň netijesinde emin 17 kişä gyzyl kart berdi. Olaryň käbirleri esasy düzümde oýnan futbolçylar bolup, köpüsi ätiýaçdaky futbolçylar hem-de tälimçileriň kömekçileridir. Hatda “Oruro” toparynyň tälimçisi hem gyzyl kart alanlaryň arasynda bar. Umumylykda 7-si futbolçy 17 kişi gyzyl kart aldy. Ýumruklaşmanyň netijesinde käbir futbolçynyň ýüzüne agyr şikesleriň hem ýetendigi bellenilýär.

Netijede, iki oýnuň hasaby boýunça 4-3 öňe saýlanan “Klub Bluming” topary ýarym finala çykdy.

Gyzykly bolup bilerЕЩЕ ОТ АВТОРА