ABŞ-nyň hökümeti tarapyndan maliýeleşdirilýän ýokary synp mekdep okuwçylary üçin «FLEX» maksatnamasynyň başlanjak senesi mälim edildi. «FLEX» ABŞ-nyň Döwlet departamentiniň bilim we medeni maksatnamalar Býurosynyň medeni alyş-çalyş maksatnamasy bolup, Türkmenistanda Halkara bilim boýunça Amerikan geňeşlikleri tarapyndan geçirilýär. Maksatnama Türkmenistanly ýokary synp mekdep okuwçylaryna bir ýylyň dowamynda ABŞ-da kabul edýän maşgalada ýaşamaga we amerikan orta mekdebinde okamaga mümkinçilik berýär. Bu barada ABŞ-nyň Türkmenistandaky ilçihanasy habar berýär.
Maksatnama kimler gatnaşyp bilýär?
2009-njy ýylyň ýanwar aýynyň 1-den 2010-njy ýylyň maý aýynyň 31-i aralygynda doglan okuwçylar gatnaşyp bilýärler. Ýöne soňky synpda okaýan, harby gulluga gitmeli okuwçylar maksatnama gatnaşyp bilmeýärler.
Şeýle hem häzirki wagtda mekdepde okaýan we mekdep ýetişigi gowy bolan okuwçylar;
Iňlis dilini gowy bilýän;
ABŞ-nyň wizasyny almak üçin talaplara laýyk gelýän;
Türkmenistanyň raýaty bolan okuwçylar gatnaşyp bilerler.

Gyzykly bolup bilerЕЩЕ ОТ АВТОРА