Hazar deňzi soňky 20 ýylda iki metrden gowrak pese gaçdy we ýerli jemgyýetleri we ekoulgamlary belli bir derejede kynçylyklara sezewar etdi. Bu barada Ýewropanyň habarlar teleýaýlymy “euronews” habar berdi.
Alymlar ýakyn ýyllarda pese gaçyşyň ýene-de dowam etjekdigini çaklaýarlar.
Daşky gurşawy goraýjylar howanyň üýtgemeginiň esasy sebäbi hökmünde, esasan hem, Russiýanyň üstünden akýan we Hazar deňziniň suwunyň 85 göterimini üpjün edýän Wolga derýasyna edýän täsirini görkezýärler.
Bilermenler Hazaryň daşky gurşawyny goramagy we onuň ätiýaçlyklaryndan durnukly peýdalanmagy maksat edinýän, döredilenine köp wagt bolan Tähran konwensiýasyny goşmak bilen sebitleýin hyzmatdaşlygyň zerurdygyny bellediler.
Daşky gurşaw çökgünligine jogap hökmünde Gazagystanyň hökümeti Hazar deňzini öwreniş institutyny açdy. Bu institut meselä dogry düşünmek, howp abanýan Hazar deňzini we sebitiň gowşak ekoulgamyny goramak üçin möhüm ädimdir.

Gyzykly bolup bilerЕЩЕ ОТ АВТОРА