29-njy noýabrda Magtymguly adyndaky Türkmen döwlet uniwersitetinde Himiýa dersi boýunça III Halkara olimpiadasynyň ýapylyş dabarasy geçirildi. Olimpiadada ýeňiji bolan talyplara degişli medallar we diplomlar dabaraly ýagdaýda gowşuryldy.

 Olimpiadanyň netijeleri boýunça şahsy birinjilikde A derejede baýrakly orunlaryň 65-si kesgitlenip, olardan 13-si birinji, 20-si ikinji, 32-si bolsa üçünji orunlary eýelän talyplardyr. Şeýle-de, şahsy birinjilikde B derejede baýrakly orunlaryň 45-si kesgitlenip, olardan 9-sy birinji, 13-si ikinji, 23-si bolsa üçünji orunlary eýelän talyplardyr.

Eminler topary tarapyndan iki dereje (A hem-de B) boýunça toparlaýyn bäsleşigiň ýeňijileri hem kesgitlenildi. Toparlaýyn bäsleşigiň ýeňijileri ýokary okuw mekdebinden şahsy birinjilikde iň ýokary netije görkezen 3 sany talybyň ortaça bahasyna laýyklykda kesgitlenildi.

Olimpiadanyň netijeleri barada doly maglumaty Magtymguly adyndaky Türkmen döwlet uniwersitetiniň resmi saýtynda ( tdu.edu.tm ) okap bilersiňiz

Çeşme: education.gov.tm

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА