Berkarar döwletimiziň bagtyýarlyk döwründe hormatly Prezidentimiziň baştutanlygynda Türkmenistan bilen Hytaý Halk Respublikasynyň arasyndaky gatnaşyklary ähli ugurlar boýunça giň gerimde alnyp barylýar. Şol sanda bilim ulgamy hem giň gerimde ösdürilýär. Hormatly Prezidentimiz – Bilim ulgamy Türkmenistanyň we Hytaýyň  medeni-gumanitar  hyzmatdaşlygynyň  ileri tutulýan  ugurlarynyň biridir – diýip belleýär. Hormatly Prezidentimiz ylma, bilime aýratyn sarpa goýýar we ýaşlaryň dünýä ülňülerine laýyk bilim almaklary hakda yzygiderli atalyk aladalaryny etmegi munuň aýdyň mysalydyr. Dünýäniň abraýly ýokary okuw mekdeplerini, şol sanda Hytaý Halk Respublikasynyň ýokary okuw mekdeplerini tamamlan türkmen ýaşlary ýurdumyzyň dürli pudaklarynda zähmet çekýärler. Häzirki wagtda Türkmenistan ýurdumyz bilen Hytaý döwletiniň maýa goýumlary esasynda nebitgaz, telekommunikasiýa, ulag aragatnaşygy, oba hojalygy, gurluşyk, dokma,  himiýa we azyk senagaty pudaklarynda, saglygy goraýyş, bilim ulgamlarynda uly ösüşlere we özgerişlere eýe boldular.

Ýagşygeldi Kakaýew adyndaky Halkara nebit we gaz uniwersitetiniň nebit we gaz fakultetinde hünäri boýunça hytaý dili dersiniň okadylmagy uniwersitetiň talyp ýaşlaryň bilim derejeleriniň ýokarlandyrylmagyna öz goşandyny goşýar. Talyplaryň bilim derejeleriniň ýokarlandyrylmagy, hytaý medeniýeti, onuň geografiki ýerleşişi we ýazuw medeniýeti bilen giňden tanyşmaklary dostlukly gatnaşyklaryň aýdyň mysalydyr. Uniwersitetde hytaý dili dersini häzirki döwre laýyk gelýän enjamlardan giňden peýdalanyp, daşary ýurt diliniň esaslaryny we hünäri boýunça hytaý dilini çuňlaşdyryp öwretmek bilen birlikde onuň beýleki dersler bilen arabaglanyşygy hem öwredilýär. Goý, bütin türkmen halkyna şu ajaýyp zamanada bagtly durmuş, üstünlik, rowaçlyk ýaran bolsun!

Şu pursatdan peýdalanyp, halkymyzyň aýdyň gelejegi üçin gijesini gündiz edip işleýän hormatly Prezidentimiziň janynyň sag, ömrüniň uzak, alyp barýan il-ýurt bähbitli işleriniň mydama rowaç bolmagyny arzuw edýärin.

Merjen Orazowa,

Halkara nebit we gaz uniwersitetiniň nebit we gaz fakultetiniň “Diller”kafedrasynyň hytaý dili öwreniji-mugallymy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА