Türkiýäniň öňdebaryjy klublarynyň 2-si UEFA-nyň ýaryşlarynda alnan şowsuz netijelerden soň tälimçilerini wezipesinden boşatdy.

Ilki bilen, UEFA Konferensiýa Ligasynyň pleý-off tapgyrynda Şweýsariýanyň “Luseren” toparyndan asgyn gelen “Beşiktaş” topary duşuşykdan soň norwegiýaly tälimçisi Ole Gunnar Solşeriň ugradylandygyny mälim etdi. 52 ýaşyndaky tälimçi şu ýylyň 25-nji ýanwarynda bu wezipä bellenipdi. Ol türk klubunda 29 oýunda 15 ýeňiş gazandy, 5 duşuşykda deňme-deň oýnady (9 ýeňliş).

Sulşeriň wezipeden gidendiginiň gürrüňi sowamanka-da “Fenerbahçe” toparyndan hem meňzeş habar gelip gowuşdy. Stambul şäheriniň güýçli klubuna Žoze Mourinio tälimçilik edýärdi. Özboluşlylygy bilen tanalýan ussat hünärmen geçen ýylyň iýun aýynda uly dabara bilen tälimçilige bellenilipdi. “Fenerbahçe” 62 ýaşyndaky tälimçiniň ýolbaşçylygynda 62 oýnuň 37-sinde ýeňiş gazandy. 14 oýunda deňme-deň oýnap, 111 duşuşykda-da ýeňlişe sezewar boldy.

“Beşiktaş” Konferensiýa Ligasyndan utulyp, umumylykda UEFA-nyň ýaryşlaryndan çykdy. “Fenerbahçe” bolsa “Benfikadan” asgyn gelip, Çempionlar Ligasyna gatnaşyp bilmedi. 17 ýyldan bäri Çempionlar Ligasynyň daşynda galýan “Fenerbahçe” Ýewropa Ligasyna wekilçilik eder.

“Beşiktaş” toparyna klubuň ozalky oýunçylaryndan hem tälimçilerinden Sergen Ýalçynyň tälimçilik etmegine garaşylýar.

Gyzykly bolup bilerЕЩЕ ОТ АВТОРА