Iňlis hem-de fransuz klublary säwliksiz ýaryşy dowam eder

UEFA Çempionlar Ligasynda täze formatdaky ýaryşyň liga tapgyry tamamlandy. 8-nji tapgyrda ähli duşuşyklar birwagtda başlap, futbol janköýerleri ýatdan çykmajak agşamy başdan geçirdi. Geçirilen her gol toparlaryň sanawdaky ornuny üýtgedip, dartgynly, tolgundyryjy pursatlara sebäp boldy. Netijede, 18 oýunda 64 gol geçirilip, ýaryşy dowam etdirjek, ýaryşdan çykan klublar kesgitlendi. 3 futbolçy het-trik etdi, 1 futbolçy bolsa 2 pökgini ýalňyşlyk bilen öz derwezesinden girizdi. Duşuşyklaryň ählisinde-de gol geçirilip, 10 oýunda ýer eýeleri, duşuşykda myhmanlar ýeňiş gazandy. 2 duşuşykda-da ýeňiş gazanan bolmady.

Iňlisleriň (“Liwerpul”, “Arsenal”, “Aston Willa”, “Mançester Siti”) hem-de fransuzlaryň (“Lill”, PSŽ, “Brest”, “Monako”) 4 kluby-da häzirlikçe ýaryşy dowam edip, 5 topar bilen wekilçilik eden italýanlaryň 4, nemesleriň 3 kluby fewral-mart aýlaryndaky duşuşyklara-da gatnaşarlar. Ispan toparlarynyň biri üçin ýaryş tamamlandy. Portugaliýanyň, Niderlandlaryň 2 kluby pleý-offa çykan bolsa, Awstriýanyň klublarynyň 2-si hem ýaryşy şowsuz jemledi. Umumylykda, uly klublar üçin garaşylmadyk netije bolmady. Ýöne 2023-nji ýylyň çempiony “Mançester Siti” tasdanam, täze formatdaky ýaryşyň ilkinji möwsüminiň ilkinji uly sýurprizi bolýardy.

Ýaryşy ilkinji 8 orunda tamamlan klublar mart aýynda geçiriljek 1/8 finala gönümel çykdy. 9-24-nji orunlary eýelänler bolsa 1/8 finala çykmak üçin fewral aýynda pleý-off duşuşyklaryny geçirmeli bolarlar. 9-16-njy ýerde tamamlanar pleý-off tapgyrynyň bijeleriniň faworit toparlary bolup, olar bijä laýyklykda 17-24-nji orunda tamamlan klublar bilen duşuşarlar.

ASTON WILLA – SELTIK: 4-2  /Rojers 3, 5, 91+1, Wotkins 60 – Idah 36, 38/

BAÝER – SPARTA PRAGA: 2-0 /Wirts 32, Tella 64/

BORUSSIÝA DORTMUND – ŞAHTÝOR DONESK: 3-1 /Girassi 17, 44, Bensebaini 79 – Marlon 50/

ÝANG BOÝZ – SRWENA ZWEZDA: 0-1 /Kanga 69/

BARSELONA – ATALANTA: 2-2 /Ýamal 47, Arauho 72 – Ederson 67, Paşaliç 79/

BAWARIÝA – SLOWAN BRATISLAWA: 3-1 / Müller 8, Keýn 63, Koman 84 – Toliç 90/

INTER – MONAKO: 3-0 /Lautara Martines 4 p, 16, 67/

RED BULL SALSBURG – ATLETIKO MADRID: 1-4 /Dagim 90+1 – Simeone 5, Grizmann 13, 45+1, Llorente 63/

ŽIRONA – ARSENAL: 1-2 /Danžuma 28 – Žoržinio 38 p, Nwaneri 42/

DINAMO ZAGREB – MILAN: 2-1 /Baturina 19, Pýasa 60 – Pulişiç 53/

ÝUWENTUS – BENFIKA: 0-2 /Pawlidis 16, Kökçü 80/

LILL – FEÝENOORD: 6-1 /Sahraui 4, Trauner 38 ö.d., 76 ö.d., Gomes 57, Dewid 74, Kabella 80 – Himenes 14/

MANÇESTER SITI – KLUB BRÝUGGE: 3-1 /Kowaçiç 53, Ordonýes 62 ö.d., Sawinio 77 – Onýedika 45/

PSW – LIWERPUL: 3-2 /Bakaýoko 35, Saibari 45, Pepi 45+6 – Gakpo 28 p, Elliot 40/

ŞTURM GRAS – LEIPSIG: 1-0 /Arýan Maliç 42/

SPORTING – BOLONÝA: 1-1 /Harder 77 – Pobega 21/

BREST – REAL MADRID: 0-3 /Rodrigo 27, 78, Bellingam 56/

ŞTUTGART – PSŽ: 1-4 /Paço 77 ö.d. – Barkola 6, Dembele 17, 35, 54/