11-nji aprelde Ispaniýanyň Premýer-ministri Pedro Sançes ABŞ-nyň dünýä ýurtlarynyň köpüsine import nyrhlaryny girizeninden soň, Hytaýa sapar eden ilkinji ýewropaly liderdir. Ispaniýanyň Premýer-ministri Pedro Sançes Aziýa saparynyň çäklerinde Pekine resmi saparyny amala aşyrdy. Bu, ABŞ-nyň Prezidenti Donald Trampyň girizen gümrük haklary sebäpli dünýäde ýüze çykan geosyýasy dartgynlyk wagtynda bolup geçdi.
Sançesiň Pekine saparynyň öňüsyrasynda, Tramp birnäçe ýurt üçin nyrhlaryň 90 günlük togtadylýandygyny mälim etdi, bu çäre Ispaniýanyň Premýer-ministri tarapyndan kanagatlanma bilen kabul edildi. Şeýle-de bolsa, söwdada emele gelen ýagdaý täze tapgyra gadam basdy.
Indi Ispaniýa ABŞ-nyň bazarlaryna garaşlylygyny azaltmak we ýurduň ikinji uly ykdysady hyzmatdaşy Hytaý bilen hyzmatdaşlygyny güýçlendirmek isleýär. Madrid gyzyklanma balansyna bil baglaýar we gündogar bazarlarynda özüniň barlygyny güýçlendirýär.
Häzirki wagtda, Ispaniýa bilen Hytaýyň arasyndaky söwdanyň möçberi öz ösüşini dowam etdirýär. Ispaniýanyň Ykdysadyýet ministrliginiň maglumatlaryna görä, 2024-nji ýylda Patyşalyk Hytaýdan 45,2 milliard ýewro haryt import edipdir, eksport bolsa bary-ýogy 7,5 milliard ýewro deň bolupdyr.
Şeýle hem, Pedro Sançes Hytaýa saparynyň öňki güni Wýetnama sapar edip, Hanoýda kärdeşi Fam Min Çin bilen strategiki hyzmatdaşlyga ösdürmegi gönükdirilen bilelikdäki jarnama gol çekdi.

Gyzykly bolup bilerЕЩЕ ОТ АВТОРА