Meşhur aktýor we komediýaçy Jim Kerri 60 ýaşady. 1962-nji ýylyň 17-nji ýanwarynda Kanadada doglan Kerri wideo habaryny “Twitter”-de 18,7 million yzarlaýjysy bilen paýlaşyp, onuň bilen bilelikde: “Bu meniň doglan günüm! Garradym, ýöne men henizem altyn ýaly gymmatly. Men hemmäňizi söýýän!” diýdi.

Meşhur aktýor 1983-nji ýylda Golliwuda gadam basdy. 1990-njy ýylda “Living Color” komediýa seriýasynda baş keşbi janlandyrdy. 1994-nji ýylda “Ace Ventura: Pet Detective” filmi bilen meşhurlyk gazanan Kerri şol filmiň dowamy bolan “Ace Ventura: When Nature Calls” bilen dünýä ýüzünde tanalýan artiste öwrüldi. 1994-nji ýylda “The Mask” atly super gahryman komediýasynda baş keşbi janlandyrdy. Aktýor bu filmdäki keşbi üçin “Altyn globus” baýragyna hem mynasyp boldy. Aktýoryň Melissa Uomer bilen nikasyndan 34 ýaşly Jeýn Erin atly gyzy bar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА